في عيـــــونــــك حيــــاة وفي حروفــــــك دفــــا

03-09-2010, 08:58 PM

السلام عليكم ورحمة الله وبركاته-- نأسف .. تم قطع الجزء المتبقي من محتوى الموضوع... متبقي الموضوع لا
يمكنك مشاهدته لأنك غير مسّجل. إذا أردت التسجيل
, أضغط هنا

03-09-2010, 08:59 PM

كلك حلا يالدرة المشتاقه

ياللي ينابيع الحلا بعيونك

يالمترفه يالطرفه الذواقه

ياجعلهم كل العرب يفدونك

فلي جديلك يالغنج برواقه

وبني من اطواف الجمال احصونك

ويالي تباسيمك لها اشراقه

ياخابسه لون القمر في لونك

حبك بوسط القلب زاد افاقه

وانا على رجواه ادور عونك

ماعاد لي في الحكي شف وفاقه

ولا عاد اطيق الوقت هذا دونك

يامنوتي والقلب زاد احراقه

جودي عليه واطربي بشجونك

لكن قبل ماتفتحين الطاقه

امر بسيط ولا يدور هونك

اخذي من اطراف المزاهر باقه

خليه ينعم لو بوسط اسنونك

يفداك عمري والقلم واوراقه

والشعر واللي كلهم يوحونك

ارسيت حب(ن) ماتموت اشواقه

في قلب راع الطائره مجنونك

ياللي عيونك بالدمع خفاقه

لاغابت عيونك فديت عيونك

وختامها يالدره المشتاقه

ياجعلهم كل العرب يفدونك

03-09-2010, 09:00 PM

اللي على حاله خطر مـن هـل السـوق

مـفـروض يمـنـع مـايــروح يـتـسـوق

اقبـل يحـرك خـطـوة الـرجـل بـرفـوق
والـقــاع لمـصـافـح خـطــاه يـتـشـوق

مخـلـوق لكـنـه مـاهـو بــأي مخـلـوق
عـلــى بــنــات آدم وحــــوى تــفــوق

عليـه لبـس ٍ يجمـع الوسـع والضـوق
موسـع ٍ بعضـه .. وبعـضـه مـضـوق

مــر .. وتـعـدا مـابـدا مـنـه مـنـطـوق
الا انـــه بـجـيـش الـمـفـاتـن مــطــوق

خلاني امشي واقضـب الـدرب واتـوق
مـانــي بـتـايـق عـقــل لـكــن مــتــوق

تقووول مرمي ٍ على الارض من فوق
والا مــن الـسـم ﴿السقـطـري﴾ مــذوق

يغفـى عـلـي شــوي وشــوي ٍ افــوق
واقـــول لاستيـقـضـت والــبــال روق

مــدام لامـعـوق والا صـايـبـه عـــوق
وررررراه يمشي مثل مشـي المعـوق

اللي على حاله خطر مـن هـل السـوق
مـفـروض يمـنـع مـايــروح يـتـسـوق

لافي الغيداني

03-09-2010, 09:02 PM

( يا ورد من علمك تجرح ... الجرح ماهو من اطباعك ) ..

تعرف حبيبي اليوم احسست بهذا الجرح ,

جرح عميق الذي تركته بقلبي من بعدك

كيف استطع انت تجرح قلب انت فيه

زرعتك فيه وسقيتك من دمه

حتى كبرت وصرت شجرة حب

بداخلي جذورها متماسكه بقلبي

وفروعها تسقى من اوردتي اوراقها

باتت حمراح مشبعه بدمي

اثمرت انت بقلبي طرحت انت ثمار

حبك بداخلي واحساسك ومشاعرك

اصبحت اتنفسك اعشقك اهواك

بالله عليك قلي

كيف استطعت جرحي

جرح قلبي كيف استطعت تحطيمه

اراك تتعمد ذلك تتعمد عذابي بهجرك

وصدك وبعدك انت تعلم أني لن أقوى

على بعدك إنني أنتهي شيئاً فـ شيئاً أمام اصرار

بعدك وفراقك يقتلني ارجوك , ارجوك , ارجوك

حبيبي ارحمني ارحم قلبي الذي عشقك وهواك

مصرعلى فراقي لك ذلك ولكن ؟؟!!

ترفق بي عند قتلي ببعدك

ارحمني ولا تذبحني

دعني ببعدك أموت و أموت

دون تعذيب

وقل على رووووحي

التي فارقت جسدي

الســــــــــــــــــــــــــــــــــــلام

03-09-2010, 09:03 PM

قلبي اللي لواه مْن الصواديف لاوي
جرّحته الليالي و الحظوظ الرديّه

و الله أنّي بوسط الناس كنّي خلاوي
من يلوم المفارق عقب فرقا خويّه

أشهد ان المفارق من عظيم البلاوي
مير هذا نصيبك يالعيون الشقيّه

أتجلّد و أقول أنّي على البعد قاوي
و الله أعلم بقلبٍ فيه الأشواق حيّه

كيف راحت يابو تركي حياتي شقاوي
وين درب السعاده و الحياة الهنيّه

ليت لأهل الهوى و الحب قاضي دعاوي
كان أداعي عيون اللي فراقه خطيّه

كنّي المبلي اللي قطّعته المكاوي
كلّما جظّ بالونّات زادوه كيّه

الأمير الشاعر/ خالد الفيصل

03-09-2010, 09:05 PM

قالـوا حبيبـك يسمـع الشعـر قلـت أيـه
يـقـراه بعيـونـي قـبـل تسمـعـونـه

لـولاه حتـى طـاري الشعـر مـا ابيـه
ميـر أكتبـه مـن شـان خاطـر عيونـه

هـو روح شعـري وأمنياتـه وماضـيـه
جذع الشجـر وش كـان لـولا غصونـه

اكتـب لغيـره والقصايـد تـجـي فـيـه
كـن القصايـد حالـفـه مــا تخـونـه

هـذاك لا منـه زعـل قـمـت أهـاديـه
حتـى وهـو مخطـي تـعـذرت دونــه

يمكـن لـو أنـه يلمـس الجـرح بيـديـه
يستغـرب ان الـلـي لمسـهـا طعـونـه

ابطـى وهـو غايـب وزلـت حــراويـه
هوأنـا مـن الـعـام آتـحـرى مـزونـه

هـو مـادرى انـي فـي غيابـه محاتيـه
ليتـه نشـد عـن حالـي اللـي يجـونـه

واقلبـي اللـي تـوه أفـلـت عـراويـه
كيـف انسـرق وضلـوع قلبـي حصونـه

عجـزت أرده كــان مـانـي براعـيـه
يـوم انتثـر شوقـه وهاضـت شجـونـه

يبسـن عروقـي لكـن الـلـي يعـزيـه
ان اكـثـر العـالـم تــردد لـحـونـه

خافـو مــن الله لا تجيـبـون طـاريـه
لا صـرت أنـا مـوجـود لا تذكـرونـه

لـو كـل غـالـي جـابـه الله لغالـيـه
مـا شفـت لـك مخلـوق تبكـي عيونـه

03-09-2010, 09:06 PM

قبل أسافر

قبل أسافر وتنسى جيت أسلم عليك
جيت أبي عمري اللي أكتشفته غدا
ضاعت أجمل سنيني من عمايل يديك
أكذب إن قلت راحت لجل عينك فدا
فرصة العمر قالوا لاغدت ماتجيك
جتني أكبر فرص عمري وراحت سدى
تدري اللي ذبحني قولتك ما أبيك
مابقالي لثاري لوبغيته مدى
ماهقيت المشاعر كلها ترتجيك
قل لها بالمفارق منهو اللي بدا!؟
هاك دمعة عيوني باكية تشتكيك
هاك ريح ضميرٍ مااستراح وهدا
جرب الخوف مره..حس به يعتليك
إرفع الصوت ماتسمع لصوتك صدى
ماتناظر عيوني زول هذي وذيك
ولايهز المسامع إسم ريم وهدى
قلت:ماعاد لي رغبه وشوفات فيك
قلت: يانفس طيبي يفرحون العدا
قلت: عـــــايف..ونفسي بالجفا تشتهيك
عزة النفس تدري طيب ماهي ردا
خل عينك تهل دموعها وش عليك!؟
أنت خدك ورود ودمع عينك ندى

03-12-2010, 10:28 PM

ابطيت ماجاني رساله ولامسج=عزالله اني ضايق من بطاكم
كنك علي بحروفك الزينه تعسج=حتى التمس فيها حلاوة رضاكم
نسجت لك لجل الغلا هاجسي نسج= وادري قصيدي حالي من حلاااااااكم

03-12-2010, 10:29 PM

العين رفرف جفنها مـن عناهـا==والقلب جاض وماج والرجل ساجت

والصدر ضاق وعبرتـه ماقواهـا==والوجد زاد ودمعة العيـن هاجـت
على الـذي زود بكبـدي ضماهـا==اللي له النفس العزيـزه تلاجـت
ماانساه دام الريح يـذري هواهـا==حي ٍ جروحـه بالمعاليـق لاجـت
روحي من اسبابه تدانـت خطاهـا==ولا لغيره وطيـت الرجـل داجـت
عليه عينـي نثـرت كـل ماهـا==وروحي وروحه بالمـوده تناجـت
ابعد وحالـي جـور حبـه براهـا==واوجست انا دنياي ياعمير ماجـت
تغطلست ماعـاد اميـز سماهـا==وكثر الهموم لخافق القلب فاجـت

03-31-2010, 01:30 PM

مساء الخير للجميع اتمنى ان استمتعتم في مدونتي الخاصه

محبكم الطياااااااااااااااااااااار

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

دعم فنياستضافة توب لاين

دعم فني
استضافة توب لاين