ديـوان الـشـاعـر/غـانـم الـقـاضـي العـتـيـبـي

11-14-2011, 02:33 AM

بسم الله الرحمن الرحيم

السلام عليكم ورحمة الله وبركاته

-- نأسف .. تم قطع الجزء المتبقي من محتوى الموضوع... متبقي الموضوع لا
يمكنك مشاهدته لأنك غير مسّجل. إذا أردت التسجيل
, أضغط هنا

11-14-2011, 03:08 AM


	واليكم هذه القصيده من الشاعر غانم القاضي وهي رداً على هدية مطلق بن محمد بن ناشي المفرجي النفيعي سلمــان سـمــيته عــلى الـشــيــخ سـلمــان * شيـخ الـرياض اللي عزيز(ن) جـنـابـه اسم (ن)علـى اسم(ن) ولا الاوصــاف شتـان * ما الطير جاي(ن) لون سيف الحـرابه لــكــن عــسـا(ن) الاسـم يكـســيــه ثــنـتــان * والـلي وراهـا مـستـحيـل الـرجــابـــه الاولـــه هــيــبــة مــســمــى(ن) عــلـــشــان * يـرهــب لــيــا مـاريـتـبـه مـن هـــقابــه والـثـانـيـه لا اخــذت ما يــخــفــــي الاعـــيـان * الـلـيـا الــنـواظـر والـنـواظــر تـشـابــه هـذا وانـا يا ســعــود مـا سـقــت الاثـــمـــان * فــي مـشـتــراه ولا طـلـبـتـه طــلابـه جــانـي هــديــه مـن طـويـــلــيــن الايـــمـــان * اهـل الـوفـا واهـل النـقـى والـمـهابـه هــذا هــديــة صـــاحــبـي طـــيــــر حـــــوران * وصـار(ن)طبـاعي غيـر ليـلـة لفى بــه جـابه عـتــيـبـي(ن) وفــي جــمــع عــتـبـــان * وحظروا دواسر في المحل يوم جابه مــفــرجــي(ن) صــافـطــه لــي صــــفـطـــان * وصفطان بين اخوان ويش الـغــرابــه وفــي مــدح مــــن جــابـه يــزيـن(ن) الاوزان * ولا الجزاء بعض العطــاء لا جـــزابـــه يا راكـب(ن) مــن فــوق تصــمـيم الالــمـــان * الــلـي الــيــهــودي صـمـمه واعتنابه ابـيـض فــخــامــــة فـيـــه وابــــداع وامــــان * وثـلاثــة احـرف نقش ما هن كــتابــه بــي ام دبــيـلـوا واثــمــنــه خـــيــر بــرهــان * غالــي ويشـكي لـن وصفته صــبابـه امبــيــمـن باللــمــس تــاكــيــد مـــن شــان * ما يـركبـه كـل مــن هقى فك بـــابـه وبـضــغـط هـيـدرولــيـك تــثــبـــيــت الاوزان * وتـهبــيـط بـديــه لا وقــف وانتـصـابـه والشــفـــط يـعــمــل فـيــه تسـكـير بـيــبـان * ليــا انــفـتـح بـابه بشفط انســحـابــه وسكــان طــبــلـونــه بــزائــــد ونــــقــصـــان * ينـقـص لاجـل ما يجهر اللـي سـرابه علــى اربــع الافــه ثــمــان إمــئــة حـــصـان * خـالف بــنــود الــسـيـطره والـرقابـه وليا انتـهض كـــنه عــلى كــف شــيـطـــان * واسبـق مـن الـي حـدرتها السحابه يعــصا علــى خــفر الــطــرق ويــن مـا كان * تعطيل سيره عن طريق(ن) مشابـه يـــاســـايـــقـــه ذلــوان ذلــــــوان ذلـــــــوان * غلـق له الي باقـي(ن) من زهــابـه بعد انـصـرم مــن لـيـلـك الـليــل ثـــلـــثـــان * في الثلث الاخــر موتــرك واعــذابـه مـــن الحـويـــة عــــرض خـــــط ســــيـــدان * واربع مســـارات(ن) بسيده تشـابه وانــت امــسـك الايـسر وجهتـــك يــافـــلان * نجد الذي كل(ن) قصد في هـضابه بـعـد الـسـرى لـن شـعشع الــنور ثم بـان * ملـفاك بـيـت بـيـن(ن) مـا تــغـوابـــه مفتوح بـابه فـي الضـحى والـمــسيـــان * لـلضيف مـن قاص العرب والقــرابـه تلقــى تــراحيــب تشــوش بهـا الاذهــــان * وقــولة هــلا بالضــيــف يـامـرحــبابه هـذي طــبـوع اهــله عــلـى مــر الازمـــان * طبع(ن) لهم قبل النبي والصـحـابـه للضـيف فــوق الــنـار يجــــذون رســــلان * في جوفها الي مستحب(ن) شرابه بـــن(ن) مصــاريمــه مــن جــبال خــــولان * وهيل(ن) خنينه للـشـواريــب اطـابـه ومن بعد شرب الكيف حيل(ن) من الضان * الضـو شــحمها عـاجز(ن) بــه مـذابـه مــنــزل كــريــم مـــــات واحـيـوه غـلـمــان * الله يــغــفــر لــه ويــســقــي تــرابــه والله ما كـــنـه مـــــات حــي(ن) الـى الان * مــرحـوم مـن وخـــر اسبـاع تـشـابــه ســربت مفــاريج(ن) عـلى الــعــزه اخوان * وان جيـت اوصفهم اسود(ن) بـغـابـه عـــيال ابــن ناشــي محمـد لـهــم شـان * عندي وان قـيل الـردد وش نــوابــه قل يـانديبـــي خـــط شــكر(ن) وعــرفان * مـن غــانم المــطـلـق زبــون المهابه والشـكر لــلي نـــرتجـي مـنــه غـــفــران * الــي عــباده خــوفــهـــا مــن عـذابـه

11-14-2011, 03:26 AM


	الـشـعـر مـن راس الطـويلـه هاوي حــول عـلـى راسـه وجــاك الــلـيــبــه حـول عـلـى راسـه مـهـو مـتـسـاوي وصــارت وفـاتــه خـيـر مــن تـعــذيــبــه لـيــتـه يــعــود دغــيــم الـضـلـمـــاوي يـشـوف شـعـر الـنـظـم ويـش امـصـيـبـه بـعـد الـوغـى والـفـــرز عــود ثــــاوي اثــووبــه الـــلـي حـادريــن اشــعــيــبــه

11-14-2011, 03:32 AM


	بعض الرجال يفكرون الرجوله ثوبٍ جديد وبشت وشماغ وعقال والبعض الاخر قد يراها فحوله بالمال يأخذ حرمةً تنجب أعيال هو مادرى بن الرجولة عموله عمولةً تصعب على بعض الاشكال تبغى تعرف الطيب وتعرف اصوله انشد وتعطيك الرياجيل تفصال انشد رجالٍ فالحياه أوصلوله ونشد هل الحكمه وهل بدع الامثال الطيب فرض الله وسنت رسوله حافظ عليها تستوي باق الاعمال وجب حقوق الضيف واحسن قبوله وقدمله الترحيب لن جاك فالحال وقدم ادلالآ بالقناد معموله والكبش هاته مانقص ضيفك المال والجار لوغثى عليك بميوله بالك تضيق خاطر الجار لومال وانكان تبغى ابنك تخير حموله حذراك بنت الاش لو زينها سال ويلي تحسبن القشاره بطوله تنشب لبن عمك على شان ينقال فلان حصله على افلان صوله مسكين ماتعرف عن الطيب مثقال

11-14-2011, 03:53 AM


	السلام عليكم ورحمة الله وبركاته هذه الابيات وهي من ضمن القصائد اللتي قيلت في سيدي صاحب السمو الملكي الامير مشعل بن سعود بن عبدالعزيز ال سعود امير منطقة نجران اطال الله في عمره. وذالك عندما رعى سموه حفل سباق الهجن بمحافظة شروره. يامرحبا ياسـيدي مـنبع الجود ياراعي النـخوه وراع الحميه يامرحبا ياسيدي مشعل سـعود ياللي عـلاوي عزوتك وايليـه ياللي شذى سمعتك مثل ازرق العود والعود ريحه ماش فالطيب زيـه وخذ الكلام اللي على ساس وبنود الصدق اقوله عادتي لـو عـليه احكي بشياً صار لنقص ولا ازود الزود نقص ليا دخل فـي قضيه انـا ليا شـفتك وناظرك مشدود اخـاف اطـاوع منطق الشاعريه اركـد الكـلـمه ليـا قلت بركود تـركـيد كيفاً صـب من شاذليه من شان ماتلقى على الهرج منقود ويصير مـنطوقي علـى الفك كيه يـامير يـاطيار يـاقايد احشود ياللـي بذلت الروح لرضك هديه بـوقـفتك مثلت فريس ال اسعود في هيتاً مـامـثلها صـار هـيه لاكـن مهو من فوق فباً ولا كود مـن فـوق مـيراجاً لها حندويه اليا هـوت منها صواريخ الاسكود يصـبح عــدو الدين في مهمهيه للمـوت حاضاً مير ماهوب مارود وانتـه وردت وشـعلت النار حيه امـير وقـت السـلم ونثار بـارود كـمـلت رسـمي ولتحقت بسريه تـقول حـكام الوطـن دونه جنود وتسـمع طبول المـعتدي سامريه من الشجاعه والصطر زدت وتزود والله يـزيـدك يـازبـون الونيه يـاسـيدي لشعر واصحابه احشود وكـلـن يـريد لمـنطقه قـابليه هـذا لـه الـقـابل وهذاك مردود وهـذاك لا هـذي ولا نـال ذيـه وانـا ليـا ماصرت فالسبر موجود انـزل اشـدادي وهـج المـطـيه لابـوه شـعراً مايـرد فوق قرهود ويـداعب اســموع الرجال برويه يـامير مـاض اجدادنا شبه مفقود ولـولا جـهدكـم مـابقالـه بقيه يسفي على الموروث سافاً مع النود يـخأفـي مـراسـيم الليال الخليه وانـتم تـلاحـقتوه بـدراك وجهود ولـه صـنـعـتو سـمعتاً عالميه يـاسـيدي شف بالنظر كنس الكود ال الـوسـط منـهن تجي مذايريه سـوات سـرحياً عن الفرز مردود تـاكلـه الشـاوي بـربع اعـدنيه لـن قـلت ريميه ولـن قلت فدفود هـذي عـمـانيه وذي صــيعريه لـوهـن حكن كلن تقل عندي الزود مـتنفرق هـاذي عن اوصاف ذيـه انـحـورهـن فجاً وهن فتل اعضود وامـا القـطي مـتفـاهـقاتاً شويه يقسـم قرى الوحده على ثنين وتزود تصـبر علـى حـلو الزمـان ورديه فـاطرهـن الهجفى تجي مثل مفرود فـالسـبق مــاهو فالحلا الخارجيه عـيرات بطبوع اجمل البيض فالخود مـال الـعصـاء بـخروجهنه لويه وفالوصف غيري قال حـماد وحمود وانـا وصــفت بعد فــكر ورويه وارجـع وقـول لسيدي مشعل سعود الـلـي عـلاوي عـزوتـه وايليه يـامـرحبـا يـاسيدي منبع الجود يـاراعـي النـخوه وراع الحـميه

11-14-2011, 04:06 AM


	ســلام يـارجـمـن ليـاضـقـت عـديــت عـالـي حـجــاه وعـــاود الـقـلـب غـيــه فـــي ديـــرتٍ لــجــل الــلــوازم تـنـحـيـت عـنـهـا وفـرقـاهـا عـلــى الـقـلــب كــيــه عمار يـادار بهـا الطيـش قضيـت طـيــشٍ عـلــى ســلــم الـعـيــال الـنـقـيـه هم لاقفو صيد الخلا والختاخيت وانـــا تـقــول الـصـيــد فــــرضٍ عـلـيــه اطرب ليـا منـي للصحـاب شبيـت ضـــواً عـلــى جــالــه تــجــي شـاذلـيــه ودنـيــت نـجــري والمعـامـيـل دنــيــت ولــيــا الــــدلال امـزهـبــه فــــي شــويــه ثــلاث رســلانٍ بـهـا الهـيـل عـبـيـت مــن افـضـل انـواعـه ثــلاث معبـيـه تقهـوو اصحابـي ومنهـن تقهويـت وطـــار الـعـمـاس و مـدحـوهـن لـيــه وعــن جالـهـا فــزو عـيـالٍ عناتـيـت كــــلٍ عــلـــى مـتــنــه يـشــيــل اعـدنــيــه مخضبـات اكعـوب تـرد الملافيـت صــلافــات فـالـمـرمـا ولـبــهــم هـفــيــه وانا معي عوده بهـا قـل مخطيـت وليا اخطـت الصيـده عتبهـا عليـه كــــم مــــرتٍ بفـعـالـهـا قـــــد تـسـنـويــت ورتـــــهـــــا بـــــلـــــي وردتـــــهـــــا الــمـــنـــيـــه

11-14-2011, 04:19 AM


	البـارحـه مــن فـايـض الـوجـد غنـيـت قــــــاف بــــــه الــعــشــاق بـــعـــدي تـــســـلا وانـــــــــا لــيــامـــنـــي بـــدعـــتــــه تــســلـــيـــت وهــمــوم صــــدري يــــوم اشـيـلــه تــجـــلا يهل المحبه منهوى البيـض مليـت والقـلـب والله مـنـهـوى الـبـيـض مـــلا صحيح مبطي حزت الطيش حبيت ومبطـي فـعـل مـاضـي فلـعـراب ضــلا واليـوم عــن حــب الـعـذرى ترقـيـت عـــــــن حــــــــب ريــمـــيـــه وحــــصــــه وهــــــــلا والله حرامـنـي بـهـن ابــدع الـبـيـت مــــــــدام واحــدتـــهـــن تــــــــزوم وتــــغــــلا الــعــام لاجــنــي عــلــى الــســاق فــزيــت والـــــيــــــوم لاجــــــنــــــي هــــبــــيــــت الــــــبــــــلا

11-14-2011, 04:24 AM


	لو جاك واحد قال بالــعـين شافـي @@@ الـذيــب جــأه أبـاالـحصيـن وتعشــاه قله وبوك اتهــون هـاذي عـوافـي @@@ نـعـمـه انكــان الذيب ماتــاكــله شـاه اقـولـها صـادق واحـط اعـتـرافــي @@@ والوقت ما لايــقـبل العــقــل ســـواه وقتٍ مضى واليوم فيه اختلافـي @@@ فـيـه اخـتـلاف وكـلنــا الـيوم شفنـاه من عقب صاراهل القناوالرهافـي @@@ فـي وضـع مـاتـحـمد يالاجواد عقباه ومن عقب كانو بالرفـاقه اولافـي @@@ والـرجـل يـرفـى عـن قصيره خطاياه بين الرفاقه صـار اشـد التـنافــي @@@ والـجـار يـم الـجـار مـاتـدرج اخــطــاه الله يكافـيـنـا وهـو خـيـر كـــافــي @@@ ولا تــرى هـالـوقـت عـفـته ولا ابغـاه وقتٍ تـظـهر فيه مـن كان هافـي @@@ الـلـي مـن أول مـايـقـلـنـه اعـــظـــاه وقـتٍ قـصربه باع رجلٍ سنافــي @@@ والـذيـب جـاع أبـا الـحـصـيـن وتـعــاه

11-14-2011, 06:24 PM


	ياتل قلبـي تـل نتالـت السيـر شيهانة(ن) تطلب على اللي تشوفـه زاعت وراء جول القطاء حزة عصير كنها عليه من الخضيـرى محذوفـه ارهت بهنه ووكدت فالسماء طيـر نصر(ن) ليا ارهتبه لزوم(ن) تخوفـه ثم قال راعيهـا ياكبـر المخاسيـر يعنك لن ضاعت ياكبـر الحسوفـه وقفا يدوف الجيب قفـو المدابيـر الجيب مـع درب المقافـي يدوفـه قام يحبس لدزق لين احـرق القيـر ويقول لو يلحق مشوف امعروفـه لا والله الا طرقة(ن) مابهـا خيـر طيره غداء والموتر اعلـن وقوفـه وياتل قلبي تل دلـون علـى بيـر بير(ن) بورد الناس قيـض محفوفـه عليـك يلـي فايتـه بالغنـاديـر يـم العيـون الناعسـه ياعطوفـه

11-14-2011, 07:44 PM


	يـامـنـزل الـفــرقـان وكـتــاب الانجيــــل * جــودك ولاجــود الــرجال ومــددهــا مـدك ولا مـــدت كــريــم الــريــاجــيــــل * يــمدوم الـنـعمه على من حـمـدهــا خمسين ليله دوبـحت من ورى سهيل * والـعـقـربيه قــام يــــرزم رعــدهــــا مـقدم بـكـور الـوسم سوداً هــمـاليـل * يـجـرح طــمان الـقـاع مــجـر بـردهــا تحدر الوسمي وشـفـت الـمـخايـــيـــل * وزان الـطـرب والـنـفس قفا نكدهــا وجات العسوس عن المطر بالتفاصيل * اعــلــوم صــدقــاً مــنـدور بــعدهـــــا قـلـنـا وش انـذوره وقـالـوا لنا سيــــل * سـيـلاً يـقـض احزومها في جلدهــا مـن نـجد وأشـمل كل واداً كما النيــل * الاوديــه قــام يـتـطـافـــح زبــدهـــــا خـمـسـةعـشـر لـيـله خذ العد تكميــل * خمسة عشر ليله صدوقه سمدهـا ومـن فرحـتـيـبـه قـمت اجر المواويــل * وقـول مـن فـضـايــلـك يـالله زدهــــا يـاسـعـود شـف لشغالك اليوم تبديــل * اتـرك مـواعـيـد الـبـلـد فـي بلـدهـــا اركب ونادمني على اسطورت الجيل * اللي عنه نخشى العيون وحسدها ارقـاه بـاســم الله خـوف الـبـواتــيــــل * وخـوف الــذي حـجـان عينه عـقدهـا خـطـو ابـيـضٍ ماعـد فـالمشي لوميل * وبـلـيـزتـه يـدوبـهـا فـي مـهــدهــــــا فـكـسـار مـا هـازه قـلـيل المحاصيــل * عـبـد الـطـيـف وكـالـتــه مـفـتـردهــا حـنـت اسـيـوره لاسـرى تالي الليــل * عـويـل وضـحـاً فـاخـتـت عن ولدهـــا نـبـغـى عـليـه انـبـدل الـجـو تـبـديــــل * ورض غـشـاه الـنـو فـيـه نـعـمدهـــا ارضـاً مـعـالـمـهـا فـيـاض وغـرامــيــل * مـمـشـاً بـهـا لنفس يجلي صددهـــا لـمـسـيـت قـفـراً ماتـجـيه الازاويــــل * كني ملكت افلوس محصي عددهـا لـوكـان فـيـه اتـعـب وضيع محاصيــل * صـار الـولـع لي بـدعـتٍ مـعـتـقـدهــا اسـلـى لـيـاقربـتـهـن الـمـعـاميـــــــل * الـجــال نـــاراً مــايــونــي وقــــدهـــا وعـبـيتـلي رسلان من فاخر الهـيــل * ومــنـها تـقـهوانـا وجــا اللي بـعدهــا نـقـل الـحـرار الـصاملات الفواعـيـــل * الـلـي يـنــومس مـن نـقلـها هددهــا فـروخ مــاعـدولــهـا عــام تــنــقـيــــل * ولادهـلـوها اهل الجرد في جردهــا نـنـزل بـهـا روضٍ تـقـل زرت النـيـــل * لـون الـعشـوب اللي بها الله فردهــا نـلـقـاء لـبـرق الريش فيها مداهيــل * والـيـا لـقـــيـنـاهـا يـجـي عـلـمٍ ادهــا نـظـهر لـهن طـلاع في طلعه مهيـل * ومـن تـحـتـرك مـنـهـن عـنهن فردهــا والـيا اعـتلت فيها يسوي البهاذيـل * يـخـفـق عـلـيـهـا من سـما ويحدرهــا وان زعـقـت فـيهـا شبك بالنواجيـل * وجاتـه وســاده عن وطاه اوتسدهــا مـنـزل الـلـي تـعـتـلي الجو تنزيـــل * وان كــوبـرت لـوبــاد ضــف ولــبـدهــا هـذا هـوا بـالـي عن القال والقيــل * وعـن الـعــلـوم الــطـايــلات ورددهـــا عـن هـرجـتـاً تاتي على غير تحليل * مـن واحـدٍ عـوج الـسـوالـف رصـدهــا يربـخ على العوجى قليل المداخيل* وعــــدودهــا يـــروابــــهــــا لاوردهــــا شـبـه مـهو شبي ولاشب حلحيــل شـب الـضـعـوف الـلي هزيلاً جهدهــا وانـا نـقيـت الـهـرج خـوف الرياجيـل ** هـل المـــعـرفـه قـالـتـي تـنـتـقـدهـــا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

دعم فنياستضافة توب لاين

دعم فني
استضافة توب لاين