ماقول يشهد لنا التاريخ لو يشهد=اقول وش حضرت التاريخ لو لانا
أن كان يبغا الفخر والعز والهيبه=اكبر فخر يوم يكتبنا ويقرانا

من لايقدم شذرة السيف والكيس=تبدي عليه من الليالي ثلومي

نهاية عام ونهاية حزن بأمر الله المعبود=نهار الجمعه الافراح فالاخبـار منقولـه
هذا عيد الوطن كله وتعبير الوجيه اشهود=وفرحة شعب صادق بالوفاء لدين والدوله
أهني كل شعب المملكه وأهني ال سعـود=بعودة سيدي سلطان كل الخير بوصولـه
تعم الفرحه انحاء المملكه واستقبلوك اوفود=قلوب ٍ في غيابك كلها بالحيل مشغوله
قلوب ٍ كلها تسعد ليا صار السعد موجود=ياسلطان السعد والخير من فعله ومن قوله
يمينك يابو خالد نستمد ابها الكرم والجود=على عز ومعزه بالعطاء ماهيب مغلوله
تقبلها اليتاما والارامل والولد والعود=وتكرها العدى اللي من سطر يمناك مذهوله
وماقف سيدي سلمان راع الماقف المشهود=يبرهن عن معاني عند بعض الناس مجهوله
معاني للاخوة والوفاء الصادق بدون حدود=ومعنى الصبر فالشدات لين يبين محصوله
ومن حق المواطن والوطن ينعم بخير وزود=تحت ظل الزعيم اللي جميع الخلق اقروله
ابو متعب صليب الراس شامخ مثل ذاك الطود=ملك ماكل من سمي ملك يقدر على فعوله
فعوله مثل نور ٍ نقتديبه فالليال السود= حكم بالعدل لين التف كل الشعب من حوله
اليامنه زهمنا كلنا دون الحدود جنود=سيوف ٍ في وجيه اهل الحيل والغدر مسلوله